Круглы стол “Чалавек славіцца працай” быў праведзены ў 10 класе Поразаўскай СШ. Юнакі і дзяўчаты расказалі аб падтрымцы працаўнікоў сельскай гаспадаркі на ўзроўні дзяржавы, аб рабоце фермерскіх гаспадарак і лепшых СПК, людзях, якія з’яўляюцца галоўным скарбам нашай Радзімы! З гонарам прыгадалі працоўныя біяграфіі Герояў Беларусі: Аляксандра Дубко, Віталія Крамко, Васілія Рэвякі, Міхаіла Карчміта. Менавіта яны ўнеслі асаблівы ўклад у развіццё сельскай гаспадаркі краіны, гэта іх працоўныя заслугі натхняюць іншых людзей на новыя дасягненні. Удзельнікі мерапрыемства расказвалі не толькі пра знакамітых беларусаў, чыё жыццё звязана з працай у сельскай гаспадарцы, але і пра сваіх бацькоў, суседзяў, якія з’яўляюцца прыкладам для пераймання, працавалі з матэрыялам энцыклапедычных даведнікаў. З дапамогай відэаматэрыялаў прадэманстравалі сучасную сельскагаспадарчую тэхніку. Круглы стол быў праведзены ў рамках праграмы “Я. Мая сям’я. Мая Радзіма” і стаў для дзесяцікласнікаў чарговай прыступкай на шляху да свядомага выбару будучай прафесіі.
