Аналіз работы навуковага таварыства навучэнцаў “Альтаір”

Аналіз работы навуковага таварыства навучэнцаў “Альтаір”

за 2022/2023 навучальны год

З мэтай выяўлення і падтрымкі таленавітых і захопленых асновамі навук дзяцей у школе дзейнічае навуковае таварыства навучэнцаў “Альтаір”(НТН).

У 2022/2023 н.г. НТН налічвала  55 чалавек (2021/2022н.г.- 52, 202/2021н.г.-48): 20 настаўнікаў і 35 навучэнцы (+3 да мінулага года), з іх 14(40%) – навучэнцы 9-11 класаў (2021/2022н.г. – 10(30,30%); 2020/2021н.г. –  14(50%). 

Змест работы таварыства быў накіраваны на прыцягненне навучэнцаў і настаўнікаў-членаў НТН да ўдзелу ў разнастайных конкурсах, канферэнцыях; развіццё інтэлектуальных здольнасцей  навучэнцаў праз усебаковае навучанне, стымуляванне і падтрымку даследчай працы.

На працягу навучальнага года былі праведзены індывідуальныя кансультацыі з настаўнікамі і навучэнцамі (“Выбар тэмы даследчай работы”, “Фармуліроўка мэты і задач работы” і інш.),  рэфлексійныя сустрэчы з настаўнікамі- кіраўнікамі работ.

У рамках работы НТН прадаўжаў рэалізацыю  краязнаўчы праект “Наперад у мінулае”. Членамі інавацыйнай групы  была створана старонка ў Інстаграм “#Наперадумінулае” (https://www.instagram.com/naperad_u_minulaye/), дзе навучэнцы  прадстаўлялі вынікі сваёй працы: фотаздымкі з экскурсій, відэаролікі і рэкамендацыі. Імі былі рапрацаваны рэкамендацыі па правілах публічнага выступлення: “Як не хвалявацца падчас выступлення”, “Паводзіны ў час выступлення”, “Гавары на камеру ці правілы паспяховага выступлення”, выдадзены інфармацыйны бюлетэнь “Эфектыўная камунікацыя: прынцыпы, правілы, спосабы, прыёмы”, зняты відэаролікі “Вучым беларускую мову разам з намі” https://www.instagram.com/p/CnZfJOWhiA-/. Удзел у дадзеных мерапрыемствах спрыяў фарміраванню ў навучэнцаў нацыянальнай самасвядомасці, разуменню светапогляду і душы народа, яго гістарычнай спадчыныі традыцый, развіццю ўзаемадзеяння, супрацоўніцтва і ўзаеманавучання.

З мэтай прыцягнення навучэнцаў 1-6 класаў да даследчай дзейнасці традыцыйным стала правядзенне свята навукі. У гэтым навучальным годзе для навучэнцаў 2 класа была прапанавана інтэрактыўная гульня “Падарожжа ў краіну навукі”, 3 і 4 класаў – інтэлектуальная гульня-віктарына “Экалагічны калейдаскоп”, 5-6 класаў – інтэрактыўны практыкум “Сакрэты нашай памяці”. Адным з этапаў правядзення свята навукі з’яўляецца абарона даследчых работ. Усе работы( 3 работы) былі прадстаўлены на дастаткова высокім узроўні, мелі практычны характар( Андрушка В.4 клас- дыплом II ступені, Агеец І. 3 клас - дыплом I ступені, Катаркевіч С. – 2 клас - дыплом I ступені ). Работа Агейца І.  была прадстаўлена на раённым этапе абласнога конкурсу даследчых работ  і творчых праектаў “Я пазнаю свет” , дзе была адзначана дыпломам I ступені.  Мерапрыемствы, якія прайшлі ў рамках свята  спрыялі развіццю пазнавальных і інтэлектуальных здольнасцей навучэнцаў, фарміраванню цікавасці да даследчай дзейнасці, умення арыентавацца ў інфармацыйнай прасторы. 

Традыцыйным стала правядзенне вучэбна-практычнай канферэнцыі “Крок у навуку”. У гэтым навучальным годзе на канферэнцыі было прадстаўлена  6 работ: беларуская літаратура – 1, беларуская мова – 1, матэматыка – 1, геаграфія- 1, краязнаўства- 1, гісторыя Беларусі – 1. 4 работы (66,67%) былі ўзнагароджаны дыпломамі: дыплом I ступені- Анісеня Дз. – 9 клас(секцыя “Гісторыя Беларусі” , кіраўнікі Кухарчык Т.А., Анісеня А.В.); дыплом II ступені – Гойлік Расціслаў – 7 клас(кіраўнік Пачэбут М.І.); дыплом III ступені –

Якіменка К. – 9 клас(кіраўнікі Карповіч А.У., Шымко М.А.), Анісеня М., Глякоўскі І.  – 5 клас(кіраўнік Галась М.Ч.). Чатыры работы будуць накіраваны для ўдзелу ў раённай канферэнцыі вучэбна-даследчых работ навучэнцаў “Крок у будучае”. Неабходна адзначыць, што ўжо другі год  вучні не прымаюць удзел у абласной  навукова-практычнай канферэнцыі  “Край Гарадзенскі”. Таму ў наступным навучальным годзе неабходна ўдзяліць гэтаму накірунку  асаблівую ўвагу.

На працягу года вучні прымалі ўдзел у разнастайных конкурсах: раённы этап рэспубліканскага літаратурнага інтэрнэт-конкурсу “Здабыткі гісторыі: асобы і падзеі” Васілеўская В. -дыплом III ступені,  Бараноўская Ганна, 11 клас, – дыплом ІІ ступені; лінгвістычны конкурс праектных работ у жанры эсэ “Беларусь  – мірная краіна” Бараноўская Г. – дыплом III ступені; абласны конкурс “У кожным  часе свае героі” (намінацыя “Імі ганарымся і памяць іх шануем) – Агеец Дзмітрый  дыплом ІІІ ступені. Глякоўская М. і Анісеня Дз. атрымалі дыпломы II ступені ў ХV Міжнародная маладзёжная канфереэнцыі “Вялікая Айчынная вайна ў гістарычнай памяці народа”.

На падставе вышэйсказанага можна адзначыць, што задачы, пастаўленыя на 2022/2023н.г., выкананы часткова. У 2023/2024 навучальным годзе работу НТН неабходна накіраваць  на вырашэнне наступных задач:

• садзейнічаць прыцягненню навучэнцаў і настаўнікаў-членаў НТН да ўдзелу ў разнастайных конкурсах, праектах, канферэнцыях;
• правесці індывідуальныя і групавыя кансультацыі для настаўнікаў-прадметнікаў па структыры, напісанні і афармленні  даследчых работ;
• працягваць традыцыі правядзення свята навукі і школьнай вучэбна-практычнай канферэнцыі;
• ствараць умовы для інтэлектуальнага развіцця навучэнцаў праз усебаковае навучанне;
• удасканальваць уменні і навыкі самастойнай працы вучняў, накіраваныя на павышэнне ўзроўню ведаў і эрудыцыю.

Вынікі ўдзелу ў раённай вучэбна-практычнай канферэнцыі

 “Крок у будучае”